ನಾಡಿನ ಸಮಸ್ತ ಜನತೆಗೆ ಅಂತರಾಷ್ಟ್ರೀಯ ಕುಟುಂಬ ದಿನದ ಶುಭಾಶಯಗಳು.
ವಿಶ್ವ ಕುಟುಂಬ ದಿನ ವಸುದೈವ ಕುಟುಂಬಕಂ ಎಂಬೊಂದು ನುಡಿಯಿದೆ ಇದರ ಅರ್ಥ ಇಡೀ ವಿಶ್ವವೇ ನಮ್ಮ ಕುಟುಂಬ ಎಂದು ಇದು ಕುಟುಂಬವೊಂದರ ಮಹತ್ವವನ್ನು ಸಾರುತ್ತದೆ…
ಈ ಕುಟುಂಬ ಎಂಬ ಪರಿಕಲ್ಪನೆ ತುಂಬಾ ಪವಿತ್ರ ಮತ್ತು ಮಹತ್ವವಾದದ್ದು. ಪ್ರತಿಯೋರ್ವ ವ್ಯಕ್ತಿ ಮತ್ತು ಸಮಾಜವನ್ನು ಒಂದೆಡೆ ಕೇಂದ್ರೀಕರಿಸುವ ಈ ವ್ಯವಸ್ಥೆ ನಮ್ಮ ಹಿಂದಿನಿಂದಲೂ ನಡೆದುಕೊಂಡು ಬಂದಿದೆ. ಬಹುಶಃ ಕುಟುಂಬವೆಂಬ ಪರಿಕಲ್ಪನೆ ಇಲ್ಲದಿದ್ದರೆ ಈ ಇಡೀ ಜಗತ್ತನ್ನು ಊಹಿಸಲೇ ಅಸಾಧ್ಯವಾಗುತ್ತಿತ್ತು. ಅಷ್ಟರ ಮಟ್ಟಿಗೆ ಕುಟುಂಬದ ಅಗತ್ಯ ನಮ್ಮ ವಿಶ್ವಕ್ಕೆ ಇದೆ. ಮುಂದೆ ಕೂಡಾ ಜಗತ್ತು ಶಾಂತಿ, ಸಂಯಮದ ಹಾದಿಯಲ್ಲಿ ಸಾಗಬೇಕಿದ್ದರೆ ಅದಕ್ಕೆ ಕುಟುಂಬದ ತಳಪಾಯ ಅತಿ ಅಗತ್ಯ. ಅದು ನಮ್ಮ ದೇಶವಾಗಿರಲಿ ಅಥವಾ ವಿದೇಶವಾಗಿರಲಿ ಎಲ್ಲಾ ಕಡೆಯೂ ಕುಟುಂಬವೆಂಬ ಭದ್ರ ಬುನಾದಿ ಇದ್ದೇ ಇದೆ. ಆದ್ದರಿಂದಲೇ ನಮ್ಮ ವಿಶ್ವ ಇಂದು ಉಳಿದುಕೊಂಡು ಮುಂದಕ್ಕೆ ಬೆಳೆಯುತ್ತಿದೆ. ಇಷ್ಟೊಂದು ಮೌಲ್ಯಗಳಿರುವ ಈ ಕುಟುಂಬ ಎಂಬ ಪರಿಕಲ್ಪನೆಗೆಯೇ ಒಂದು ದಿನವಿದೆ. ಅದುವೇ ಜನವರಿ 1. ಈ ದಿನವನ್ನು ವಿಶ್ವದೆಲ್ಲೆಡೆ ಪ್ರತಿವರ್ಷ ಗ್ಲೋಬಲ್‌ ಫ್ಯಾಮಿಲಿ ಡೇ ಎಂದು ಆಚರಿಸಲಾಗುತ್ತದೆ. ದಶಕದ ಹಿಂದೆ ಈ ದಿನವನ್ನು ವಿಶ್ವಸಂಸ್ಥೆಯು ಡೇ ಆಫ್‌ ಪೀಸ್‌ ಎಂದು ಆಚರಿಸುತ್ತಿತ್ತು. ಈಗ ಇದನ್ನು ವಿಶ್ವ ಕುಟುಂಬ ದಿನವನ್ನಾಗಿ ಆಚರಿಸುವ ಪರಿಪಾಠ ಬೆಳೆದು ಬಂದಿದೆ. ಪ್ರತಿಯೊಬ್ಬರು ತಮ್ಮ ಕುಟುಂಬವನ್ನು ಪ್ರೀತಿಸಬೇಕು, ಈ ಮೂಲಕವೇ ಇಡೀ ವಿಶ್ವವನ್ನೇ ಪ್ರೀತಿಸಬೇಕೆಂಬ ಸದಾಶಯವನ್ನು ಈ ದಿನ ಹೊಂದಿದೆ. ಈ ಕುಟುಂಬವೇ ನಮಗೆ ನಮ್ಮ ಅಸ್ತಿತ್ವವನ್ನು ತಿಳಿಸಿ ಕೊಡುವ, ನಾಯಕತ್ವ ಗುಣ ಕಲಿಸುವ, ಮಾರ್ಗದರ್ಶನ ನೀಡುವ ಮತ್ತು ವಿವಿಧ ರೂಪದಲ್ಲಿ ಬೆಂಬಲ ಮತ್ತು ಪ್ರೋತ್ಸಾಹ ನೀಡುವ ವ್ಯವಸ್ಥೆಯಾಗಿದೆ. ಕುಟುಂಬವೊಂದರಲ್ಲಿ ತಾಯಿ, ತಂದೆ ಮತ್ತು ಮಕ್ಕಳು ಇರುತ್ತಾರೆ. ಭಾರತ ಮುಂತಾದ ಏಷ್ಯಾ ರಾಷ್ಟ್ರಗಳಲ್ಲಿ ಈ ಕುಟುಂಬದ ವ್ಯಾಪ್ತಿ ಇನ್ನೂ ವಿಸ್ತಾರಗೊಳ್ಳುತ್ತದೆ. ಅಲ್ಲಿ ತಂದೆ, ತಾಯಿ, ಮಕ್ಕಳು ಸೇರಿದಂತೆ ಇನ್ನಷ್ಟು ಸಂಬಂಧಿಗಳು ಸೇರುತ್ತಾರೆ. ಪ್ರತಿಯೊಬ್ಬರು ತಮ್ಮ ಕುಟುಂಬವನ್ನು ಪ್ರೀತಿಸಬೇಕು, ಈ ಮೂಲಕವೇ ಇಡೀ ವಿಶ್ವವನ್ನೇ ಪ್ರೀತಿಸಬೇಕೆಂಬ ಸದಾಶಯವನ್ನು ಈ ದಿನ ಹೊಂದಿದೆ. ಈ ಕುಟುಂಬವೇ ನಮಗೆ ನಮ್ಮ ಅಸ್ತಿತ್ವವನ್ನು ತಿಳಿಸಿ ಕೊಡುವ, ನಾಯಕತ್ವ ಗುಣ ಕಲಿಸುವ, ಮಾರ್ಗದರ್ಶನ ನೀಡುವ ಮತ್ತು ವಿವಿಧ ರೂಪದಲ್ಲಿ ಬೆಂಬಲ ಮತ್ತು ಪ್ರೋತ್ಸಾಹ ನೀಡುವ ವ್ಯವಸ್ಥೆಯಾಗಿದೆ. ವಿಶ್ವದಲ್ಲೆಡೆ ಮಹಾಮಾರಿ ಕೋರೋನ ಆರ್ಭಟದಿಂದ ಲಕ್ಷಾಂತರ ಕುಟುಂಬಗಳು ತಮ್ಮ ಕುಟುಂಬದಲ್ಲಿನ ಸದಸ್ಯರನ್ನು ಕಳೆದುಕೊಂಡು ದುಃಖದ ಮಡುವಿನಲ್ಲಿ ಇರುವುದು ತುಂಬಾ ವಿಷಾದನೀಯ. ಆದಷ್ಟು ಬೇಗ ಈ ಎಲ್ಲಾ ಕೆಟ್ಟ ಸಮಯಗಳು ಕಳೆದು ಎಲ್ಲೆಡೆ ನೆಮ್ಮದಿ, ಸಂತೋಷ ಮನೆ ಮಾಡಲಿ, ಎಲ್ಲಾ ಕುಟುಂಬಗಳು ಮರಳಿ ಮೊದಲಿನಂತೆ ನಗುನಗುತ್ತಾ ಜೀವನ ಸಾಗಿಸುವಂತಾಗಲಿ ಎಂದು ಆ ಭಗವಂತನಲ್ಲಿ ಭಕ್ತಿಯಿಂದ ಪ್ರಾರ್ಥಿಸುತ್ತೇನೆ. ಎಲ್ಲರೂ ತಮ್ಮ ತಮ್ಮ ಮನೆಗಳಲ್ಲೇ ಇದ್ದುಕೊಂಡು ಸರ್ಕಾರದ ನಿಯಮಗಳನ್ನು ಪಾಲಿಸುತ್ತಾ ತಮ್ಮ ಸುಂದರ ಕುಟುಂಬದಲ್ಲಿನ ತಂದೆ-ತಾಯಿ, ಅಣ್ಣ – ತಮ್ಮ ಹಾಗೂ ಹಿರಿಯರನ್ನು ಸುರಕ್ಷತೆಯಿಂದ ಕಾಪಾಡಿಕೊಳ್ಳಬೇಕೆಂದು ಮನವಿ ಮಾಡುತ್ತೇನೆ. ಮನೆಯಲ್ಲಿರಿಯೇ ಇರಿ, ಕ್ಷೇಮವಾಗಿರಿ.
ವರದಿ – ಸಂಪಾದಕೀಯ