ರಥೋತ್ಸವ: ಕರವೇ ಯಿಂದ ಪಾದಯಾತ್ರಿಕರಿಗಾಗಿ ಅನ್ನ ಸಂತರ್ಪಣೆ.

ವಿಜಯನಗರ  ಜಿಲ್ಲೆ ಕೂಡ್ಲಿಗಿ ತಾಲೂಕು, ಮೊರಬ ಶ್ರೀ ವೀರಭದ್ರೇಶ್ವರ ರಥೋತ್ಸವ ಪ್ರಯುಕ್ತ. ಕರ್ನಾಟಕ ರಕ್ಷಣಾ ವೇದಿಕೆ ವತಿಯಿಂದ , ಪಾದಯಾತ್ರಿಕರಿಗೆ ಕರವೇ ಕೂಡ್ಲಿಗಿ ತಾಲೂಕಾಧ್ಯಕ್ಷ ಕಾಟೇರ ಹಾಲೇಶ ನೇತೃತ್ವದಲ್ಲಿ, ನಗರ ಘಟಕ ಅಧ್ಯಕ್ಷ ಓಬಳೇಶ, ಮೊರಬ ಕರವೇ  ಗ್ರಾಮ ಘಟಕ ಅಧ್ಯಕ್ಷ ವೀರಭದ್ರಪ್ಪ ಹಾಗೂ ಕಾರ್ಯಕರ್ತರ ಸಹಯೋಗದಲ್ಲಿ  ಅನ್ನಸಂತರ್ಪಣೆ ಏರ್ಪಡಿಸಲಾಗಿತ್ತು. ಜೊತೆಗೆ ಆರೋಗ್ಯ ಇಲಾಖೆಯ ಸಹಕಾರದೊಂದಿಗೆ ಆರೋಗ್ಯ ತಪಾಸಣೆ ಹಾಗೂ ಸೇವೆ ಆಯೋಜಿಸಲಾಗಿತ್ತು. ಬೆಳ್ಳಂಬೆಳಿಗ್ಗೆಯಿಂದ  ಪ್ರಾರಂಭ ಗೊಂಡ ಅನ್ನಸಂತರ್ಪಣೆ ಹಾಗೂ ಆರೋಗ್ಯ ನೆರವು ಕಾರ್ಯಕ್ರಮ , ಸಂಜೆ ರಥೋತ್ಸವ ಸಂದರ್ಭದವರೆಗೆ ಸಾಂಗವಾಗಿಯೇ ಜರುಗಿರುವ ಅನ್ನಸಂತರ್ಪಣೆ, ಹಾಗೂ ಆರೋಗ್ಯ ಸೇವೆಯನ್ನು. ರಥೋತ್ಸವಕ್ಕೆ ಆಗಮಿಸಿದ ಸಾವಿರಾರು ಜನ ಭಕ್ತರು, ಹಾಗೂ ನೂರಾರು ಪಾದಾಚಾರಿಗಳು ಕರವೇ ನೀಡಿದ ಸೇವೆಯನ್ನು ಪಡೆದಿದ್ದಾರೆಂದು ಕರವೇ ಸಂಘಟನೆ ತಿಳಿಸಿದೆ. ಮೊರಬನಹಳ್ಳಿ ಪ್ರವೀಣಕುಮಾರ, ಮಹದೇವ, ಕಾಯಿಕೆಡವ ಸಿದ್ದೇಶ, ಮಹೇಶ ಸೇರಿದಂತೆ ಮತ್ತಿತರರು ಕರವೇ ಗ್ರಾಮ ಘಟಕ ಹಾಗೂ ತಾಲೂಕು ಘಟಕ ಪದಾಧಿಕಾರಿಗಳು ಭಾಗಿಯಾಗಿದ್ದರು.

ವರದಿ-✍️ಮಾತರಂ ವಿ.ಜಿ.ವೃಷಭೇಂದ್ರ ಕೂಡ್ಲಿಗಿ