ಸಿದ್ದಗಂಗೆಯ ಸರ್ವೇಶ,,

ನಡೆದಾಡುವ ದೇವರು, ತ್ರಿವಿಧ ದಾಸೋಹಿ, ಕರ್ನಾಟಕ ರತ್ನ ಡಾ.ಶಿವಕುಮಾರ ಮಹಾಸ್ವಾಮಿಗಳಿಗೆ ಹುಟ್ಟು ಹಬ್ಬದ ಶುಭಾಶಯಗಳು💐

ಆಧ್ಯಾತ್ಮದೆಡೆ ಪಾದ ಬೆಳೆಸಿದ ನಡೆದಾಡುವ ದೈವ ಶ್ರೀ ಶ್ರೀ ಶ್ರೀ ಶಿವಯೋಗಿ ಶಿವಕುಮಾರ ಸ್ವಾಮಿಗಳ ಪಾದಕ್ಕೆ… ಅರ್ಪಣೆ.

ಓ ನನ್ನ ದೇವರೇ,

ನೀ ಹೀಗಿರಬಹುದೆಮದು ಮನಸಾ ಊಹಿಸಿ,ಕಲ್ಪಿಸಿ,ಅಲ್ಲಿಯೇ ಗುಡಿಯೊಂದ ಕಟ್ಟಿ,

ಈ ಹೃದಯವನೆ ಮಂದಿರವಾಗಿಸಿ,

ಹೋಮ-ಹವನವೆಂಬ ದ್ಯಾನವ ಮಾಡುತ್ತ,

ನಮಿಸುವೆನು…ಶಿವಕುಮಾರ ಶ್ರೀ ಶಿವಯೋಗಿ ಚರಣ ಕಮಲಗಳಿಗೆ..!

ನೀ ನಿಲ್ಲದ ಗುಡಿಯ ಕಂಡು,

ಭಕ್ತಿಯ ಜೋಳಿಗೆ ಹಾಕಿ,

ಭಕ್ತಿ ಭಂಡಾರದ ಭಕ್ತರಿಗೂ ಜ್ಞಾನ ಶಿವಯೋಗಿ ತತ್ವವ ನಾಡಿನ ಜನತೆಗೂ ಸಾರುವ ಜೊತೆ-ಜೊತೆಗೆ

ಶಿವ ನಾಮವ ಪಠಿಸುವೆ ನಾನು

ಈ ಕಲಿಯುಗದ ಕಾಮಧೇನುವಿಗೆ..!

ಬೆಳ್ಳಿ-ಬಂಗಾರ ಮೋಹಗಳ ತ್ಯಜಿಸಿ,

ಸಿರಿತನ ಸುಖವ ಬಯಸದ ಜೀವವಾಗಿ,

ತನ್ನನ್ನು ನೆನೆದವರಿಗೆ ಅನ್ನ- ಕಲಿಕೆ- ಜ್ಞಾನಗಳೆಂಬ ತ್ರಿವಿಧ ದಾಸೋಹಗಳ ನೀಡುತ್ತಾ,

ಮಹಾತಾಯಿ ಮಡಿಲಂತೆ ಲಿಂಗ ಪೂಜೆಗೈದು “ಬ್ರಹ್ಮಾಂಡ”ವನೇ ಸಾಧಿಸಿ..ಮಹಾಲೀಲೆಯ ತೋರಿದ ನನ್ನೋಡೆಯನ ಧ್ಯಾನಿಸುವೆನು..!

ಮಕ್ಕಳನ್ನೇ ತನ್ನಾಸ್ತಿಯಾನ್ನಾಗಿಸಿ,

ಅರಿಷಡ್ವರ್ಗಗಳನ್ನು ತ್ಯಜಿಸಿದ

ಈ ಮಹಾನ್ ಸತ್ಪುರುಷರಾಗಿ ಕಾವಿಯನ್ನೇ ಉಸಿರಾಗಿ ಧರಿಸಿ, ಕೈಲಾಸ ಕಂಡು ಎನ್ನಮನ ಮಂದಿರದ ಗದ್ದುಗೆಯೊಳು ಸುಪೂಜಿತ ಏಕನಾಥ ಶಿವರು ಇವರಯ್ಯಾ ಎಂದು ಸರ್ವಲೋಕಗಳಿಗೂ ಸಾರುವೆನು…

ಸಿ.ಆರ್ ಶಿವಕುಮಾರ್ ಶಿವಮೊಗ್ಗ,