ಹಸಿರು ‘ಕ್ರಾಂತಿಯ ಹರಿಕಾರ‘ ಬಾಬು ಜಗಜೀವನ್ ರಾಮ್,

ಇಂದಿನ ಯುವ ರಾಜಕಾರಣಿಗಳಿಗೆ ಸ್ಪೂರ್ತಿ ಬಾಬು ಜಗಜೀವನ್ ರಾಮ್.

ನಮ್ಮ ದೇಶವು ಕೃಷಿ ಪ್ರಧಾನ ದೇಶವಾಗಿದ್ದು, ಹಸಿವಿನಿಂದ ಮುಕ್ತ ಮಾಡುವ ಕನಸು ಸರ್ಕಾರ ಹಗಲುಗನಸು ಕಾಣುತ್ತಲೇ ಮುನ್ನಡೆಯುತ್ತಿದೆ. ಅನ್ನದ ಮಹತ್ತವ ತಿಳಿಯದೇ ಬಿಸಾಡುವ ಅದೆಷ್ಟೋ ಜನರಿಗೆ ರೈತರ ಬೆವರು ಹನಿ ತಿಳಿಯುವುದಿಲ್ಲ. ರೈತ ಬೆಳೆದ ಬೆಳೆಗೆ ಉತ್ತಮ ಬೆಲೆ ಬಾರದೆ ಸಾಲದ ಸೂಲಕ್ಕೆ ಸಿಕ್ಕಿ ನರಳುತ್ತಿರುವದು ಇನ್ನು ಕೂಡ ನಿಂತಿಲ್ಲ. ಅದರೆಷ್ಷೂ ಮಂದಿ ರೈತರ ಮಕ್ಕಳಿಗೆ ಹೆಣ್ಣು ಕೊಡಲು ಮುಂದೆ ಬಾರದೇ ಇರುವದು ರೈತಾಪಿ ವರ್ಗದಲ್ಲಿ ಹಲವು ಸಂಕಷ್ಟಗಳು. ಇಂತಹ ಸಂದರ್ಭದಲ್ಲಿ ನಾವು ಇಂದು ಡಾ.ಬಾಬು ಜಗಜೀವನ್ ರಾಮ್ ಜನ್ಮ ದಿನಾಚರಣೆಯ ಪ್ರಯುಕ್ತ ಜಗತ್ತಿನಾದ್ಯಾಂತ ಆಚರಿಸಲಾಗುತ್ತಿರುವ ೧೧೬ ನೇಯ

ಜನ್ಮದಿನಾಚರಣೆಯನ್ನು ಆಚರಿಸುತ್ತೇವೆ. ಹಸಿರು ಕ್ರಾಂತಿಯ ಹರಿಕಾರನೆಂದೇ ಕರೆಯಲ್ಪಡುವ ರಾಷ್ಟ್ರನಾಯಕ ಹಾಗೂ ಭಾರತದ ಮಾಜಿ ಉಪ ಪ್ರಧಾನಿಯಾದ ಡಾ.ಬಾಬು ಜಗಜೀವನ್ ರಾಮ್.ಅವರು ಶೋಷಿತ ವರ್ಗಕ್ಕೆ ಸೀಮಿತವಾಗದೇ ಎಲ್ಲವರ್ಗಕ್ಕೂ ಇವರ ಸೇವೆ ಗಣನೀಯವಾಗಿದ್ದು ಸ್ಮರಣೀಯ. ಅಸ್ಪೃಶ್ಯತಾ ನಿವಾರಣೆಯ ಹೋರಾಟದಲ್ಲಿ ಮೊದಲಿಗರಾದ ದೇಶದ ಮಹಾನ್ ದಲಿತ ನಾಯಕ ಎಂದರೆ ಅದು ’ಬಾಬುಜಿ’ ಎಂದೇ ಕರೆಯುತ್ತೇವೆ. ಜಗಜೀವನ ರಾಮ್ ಧೀಮಂತ ರಾಷ್ಟ್ರೀಯ ನಾಯಕ, ಸ್ವಾತಂತ್ರ್ಯ ಮತ್ತು ಸಾಮಾಜಿಕ ನ್ಯಾಯದ ಪರವಾಗಿ ಹೋರಾಟಗಾರ ಹಾಗೂ ಅತ್ಯುತ್ತ್ತಮ ಸಂಸದೀಯ ಪಟುವಾಗಿದ್ದರ ಜೊತೆಗೆ ಅವರು ಸ್ವಾತಂತ್ರ್ಯ ಹೋರಾಟಗಾರರಾಗಿ, ಸಂವಿಧಾನ ರಚನಾ ಸಭೆಯ ಸದಸ್ಯರಾಗಿ ಮತ್ತು ಮೊದಲ ಉಪ ಪ್ರಧಾನಿಯಾಗಿ ನಮ್ಮ ದೇಶಕ್ಕೆ ನೀಡಿದ ಕೊಡುಗೆ ಅಪಾರವಾದದ್ದು, ಅಲ್ಲದೆ ಸ್ವಾತಂತ್ರ್ಯ ಪೂರ್ವ ಮತ್ತು ಸ್ವಾತಂತ್ರ್ಯ ನಂತರದ ರಾಜಕಾರಣದಲ್ಲಿ ಬಾಬು ಜಗಜೀವನರಾಮ್ ಪಾತ್ರ ಪ್ರಮುಖವಾದದ್ದು. ಭಾರತದಲ್ಲಿ ದೀರ್ಘ ಕಾಲದಿಂದ ಬೆಳೆದುಕೊಂಡು ಬಂದಿದ್ದ ಮೇಲು-ಕೀಳು ತಾರತಮ್ಯ, ಜಾತಿ ಪದ್ಧತಿ, ಅಸ್ಪೃಶ್ಯ ಎಂಬ ಮೌಢ್ಯದ ಮನೋಭಾವಗಳನ್ನು ತೊಡೆದು ಹಾಕಲು ಸಾಮಾಜಿಕ ನೆಲೆಗಟ್ಟಿನಲ್ಲಿ ಹೋರಾಡಿ ಅನೇಕ ಧೀಮಂತರ ಸಾಲಿನಲ್ಲಿ ನಿಲ್ಲುವ ಏಕೈಕ ವ್ಯಕ್ತಿ. ಇಂದು ಜನ್ಮ ದಿನದ ಹಿನ್ನಲೆಯನ್ನು ಹೇಳುವುದಾದರೆ ೧೯೦೮ ಏಪ್ರಿಲ್ ೫ ರಂದು ಬಿಹಾರದ ಆರಾ ಜಿಲ್ಲೆಯ ಚಾಂದ್ವಾ ಗ್ರಾಮದಲ್ಲಿ ಜನಿಸಿದ ಬಾಬು ಜಗಜೀವನ ರಾಮ್ ಅವರು, ವಿದ್ಯಾರ್ಥಿಯಾಗಿದ್ದಾಗಲೇ ಸಾಕಷ್ಟು ನಿಂದನೆ, ಅಪಮಾನ ಹಾಗೂ ನೋವುಗಳನ್ನು ಅನುಭವಿಸಿ ತಂದೆ ಶೋಭಿರಾಮ್ ಅವರು ಬ್ರಿಟಿಷರ ಭಾರತೀಯ ಸೈನ್ಯದಲ್ಲಿದ್ದು, ಹಲವು ಕಡೆ ಕೆಲಸ ಮಾಡಿ, ತಮ್ಮ ಹುದ್ದೆಗೆ ರಾಜಿನಾಮೆ ಕೊಟ್ಟು ‘ಆರಾ ಪಟ್ಟಣ’ ಸಮೀಪದ ‘ಚಾಂದ್ವಾ’ ಗ್ರಾಮದಲ್ಲಿ ಭೂಮಿಯನ್ನು ಕೊಂಡು ಕೃಷಿಯನ್ನು ಆರಂಭಿಸಿದರು.

ಅಲ್ಲಿಂದಲೇ ತಿಳಿಯುತ್ತದೆ ಅವರು ಕೃಷಿಯಲ್ಲಿ ಬಹಳ ಕ್ರಾಂತಿಯನ್ನು ಮೂಡಿಸಿದ ನಾಯಕ ಎಂದು.., ಸಣ್ಣ ವಯಸ್ಸಿನಲ್ಲೇ ತಂದೆಯನ್ನು ಕಳೆದುಕೊಂಡ ಜಗಜೀವನ್ ರಾಮ್ ತಾಯಿ ವಾಸಂತಿ ದೇವಿಯವರ ಆರೈಕೆಯಲ್ಲಿ ಬೆಳೆದರು. ಬಾಲಕನಾಗಿದ್ದ ‘ರಾಮ್’ ಆರಾದಲ್ಲಿನ ಮಾಧ್ಯಮಿಕ ಶಾಲೆಯಲ್ಲಿದ್ದಾಗ ಅಲ್ಲಿ ಎರಡು ಪ್ರತ್ಯೇಕ ಕುಡಿಯುವ ನೀರಿನ ಮಡಕೆಗಳನ್ನು ಇಡಲಾಗಿತ್ತು. ಒಂದು ಮಡಕೆ ನೀರು ಹಿಂದು ಮಕ್ಕಳಿಗೆ, ಮತ್ತೊಂದು ಮುಸ್ಲಿಂ ಮಕ್ಕಳಿಗಾಗಿ. ರಾಮ್ ಹಿಂದು ಮಡಕೆಯ ನೀರನ್ನು ಕುಡಿದಾಗ, ಶಾಲಾ ಪ್ರಾಂಶುಪಾಲರವರೆಗೆ ದೂರು ಹೋಯಿತು. ಆಗ ಪ್ರಾಂಶುಪಾಲರು ಮೂರನೆಯ ಮಡಕೆಯನ್ನು ಇರಿಸಿ, ಅದು ಅಸ್ಪೃಶ್ಯ ಮಕ್ಕಳಿಗೆ ಎಂದು ಹೇಳಿದರು. ಮೊದಲ ಬಾರಿಗೆ ಅಸ್ಪೃಶ್ಯತೆಯ ಅಪಮಾನ ರಾಮ್ ಅವರನ್ನು ಬಹುವಾಗಿ ಕಾಡಿತು. ಇದರಿಂದ ಸಿಟ್ಟಿಗೆದ್ದ ಬಾಲಕ ರಾಮ್ ಎರಡು ಬಾರಿ ಆ ಮಡಕೆಗಳನ್ನು ಒಡೆದುಹಾಕಿ ತಮ್ಮ ಕೋಪವನ್ನು ಪ್ರದರ್ಶಿಸಿದರು. ಇಂತಹ ಅಪಮಾನಗಳನ್ನು ಎದುರುಸಿ ಮುಂದೆ ೧೯೩೭ರಲ್ಲಿ ಬಿಹಾರದ ವಿಧಾನ ಸಭೆಗೆ ಆಯ್ಕೆಯಾಗಿ, ೧೯೪೬ರಲ್ಲಿ ಜವಹರಲಾಲ್ ನೆಹರು ಅವರ ನೇತೃತ್ವದಲ್ಲಿ ಪ್ರಥಮ ಹಂಗಾಮಿ ಸರ್ಕಾರ ರಚನೆಯಾದಾಗ ಸಂಪುಟದ ಅತ್ಯಂತ ಕಿರಿಯ ಸಚಿವರಾಗಿ ‘ಕಾರ್ಮಿಕ ಖಾತೆ’ ಜವಾಬ್ದಾರಿ ವಹಿಸಿಕೊಂಡು ಅಚ್ಚು ಕಟ್ಟಾಗಿ ನಿಭಾಯಿಸಿದ ಕೀರ್ತಿ ಬಾಬುಜಿಯವರಿಗೆ ಸಲ್ಲುತ್ತದೆ. ಅವರನ್ನು ಭಾರತೀಯ ಸಮಾಜ ಮತ್ತು ರಾಜಕೀಯದಲ್ಲಿ ದೀನದಲಿತರ “ಮೆಸ್ಸಿಹ್” ಎಂದು ನೆನಪಿಸಿಕೊಳ್ಳಲಾಗುತ್ತದೆ. ರಾಜಕೀಯದ ಜೊತೆಗೆ ದಲಿತ ಸಮಾಜಕ್ಕೆ ಹೊಸ ದಿಕ್ಕನ್ನು ಒದಗಿಸಿದ ಸ್ವತಂತ್ರ ಭಾರತದ ಕೆಲವೇ ನಾಯಕರಲ್ಲಿ ಇವರು ಒಬ್ಬರು. ಮೇಲ್ಜಾತಿಯವರೊಂದಿಗೆ ನಡೆಯಲು ನಿಷೇಧಿಸಲ್ಪಟ್ಟ, ತಿನ್ನಲು ಪ್ರತ್ಯೇಕ ಪಾತ್ರೆಗಳನ್ನು ಹೊಂದಿದ್ದ, ಮುಟ್ಟಿದರೆ ಪಾಪವೆಂದು ಪರಿಗಣಿಸಲ್ಪಟ್ಟ ಮತ್ತು ಯಾವಾಗಲೂ ಇತರರ ಕರುಣೆಗೆ ಒಳಗಾದ ಲಕ್ಷ-ಕೋಟಿ ತುಳಿತಕ್ಕೊಳಗಾದವರ ಧ್ವನಿ ಎತ್ತಿದರು. ಐದು ದಶಕಗಳ ಕಾಲ ಸಕ್ರಿಯ ರಾಜಕಾರಣದ ಭಾಗವಾಗಿದ್ದ ಜಗಜೀವನ್ ರಾಮ್ ಅವರು ತಮ್ಮ ಇಡೀ ಜೀವನವನ್ನು ದೇಶ ಸೇವೆ ಮತ್ತು ದಲಿತರ ಉನ್ನತಿಗಾಗಿ ಮುಡಿಪಾಗಿಟ್ಟಿದ್ದು ಅವಿಸ್ಮರಣೀ. ಹಲವಾರು ಹುದ್ದೆಗಳನ್ನು ನಿರ್ಗಳವಾಗಿ ನಿಭಾಯಿಸಿದ ಇವರು, ಇಂಧಿರಾಗಾಂದಿಯವರ ಸಂಪುಟದಲ್ಲಿ ಎರಡು ಅವಧಿಗೆ ಕೇಂದ್ರ ಸಂಪುಟದಲ್ಲಿ ಕೃಷಿ ಸಚಿವರಾಗಿ  ಭಾರತೀಯ ಇತಿಹಾಸದಲ್ಲಿಯೇ ಕೃಷಿ ಆಧುನೀಕರಣಗೊಂಡದ್ದು ಮತ್ತು ಭಾರತದಲ್ಲಿ ಹಸಿರು ಕ್ರಾಂತಿಯಾದದ್ದು ರಾಮ್ ಅವರು ಕೃಷಿ ಸಚಿವರಾಗಿದ್ದ ಈ ಅವಧಿಯಲ್ಲಿ. ಕಾರ್ಮಿಕಖಾತೆಯನ್ನು ಯಶಸ್ವಿಗೊಳಿಸಿದಾಗ ಮುಂದೆ ೧೯೭೪ರಲ್ಲಿ ದೇಶ ಬರಗಾಲವನ್ನು ಎದುರಿಸಿದಾಗ ಆಹಾರದ ಬಿಕ್ಕಟ್ಟನ್ನು ನಿಭಾಯಿಸುವ ಹೊಣೆಯನ್ನು ಹೊತ್ತವರು ರಾಮ್ ಎಂದು ನೆನಪಿಸಿಕೊಳ್ಳುವ ದಿನ. ತಮ್ಮ ಖಾತೆಯ ಜೊತೆಗೆ ರಾಮ್ ಅವರು ಆಹಾರ ಖಾತೆಯನ್ನು ಹೆಚ್ಚಿನ ಖಾತೆಯಾಗಿ ನಿಭಾಯಿಸಿದರು. ಕ್ರಮೇಣದಲ್ಲಿ ಬಾಬು ಜಗಜೀವನ ರಾಮ್ ಎಂದೇ ಪ್ರಸಿದ್ಧರಾದರು. ಬಾಂಗ್ಲಾದೇಶದ ವಿಮೋಚನೆಯ ಹೋರಾಟದಲ್ಲಿ ಅತ್ಯುತ್ತಮ ನಾಯಕತ್ವವನ್ನು ನೀಡುವ ಮೂಲಕ ಲಾಲ್ ಬಹದ್ದೂರ್ ಶಾಸ್ತ್ರಿಯವರ ಅಮರ ಸೂತ್ರೀಕರಣವಾದ “ಜೈ ಜವಾನ್ ಮತ್ತು ಜೈ ಕಿಸಾನ್” ನಲ್ಲಿ ಸೆರೆಹಿಡಿಯಲಾದ ನಮ್ಮ ಸ್ವಾತಂತ್ರ್ಯದ ಎರಡು ಸ್ತಂಭಗಳಿಗೆ ಅವರು ಬಹಳ ಸಮರ್ಪಣೆ ಮತ್ತು ವಿಭಿನ್ನತೆಯಿಂದ ಭಾಗವಹಿಸಿದರು.ಜೀವನದುದ್ದಕ್ಕೂ ಅವರು ಸರಳ ವ್ಯಕ್ತಿಯಾಗಿ ಉಳಿದರು, ಅಹಿಂಸೆ ಮತ್ತು ಜಾತ್ಯಾತೀತತೆಯ ಗಾಂಧಿ ಮೌಲ್ಯಗಳಿಗೆ ಬದ್ಧರಾಗಿದ್ದರು. ಕೃಷಿ ಸೇರಿದಂತೆ ಇತರೆ ವೃತ್ತಿಗಳಿಗಿಂತ ಶ್ರೇಷ್ಠ ಎಂದು ತಿಳಿದಿದ್ದ ಇವರು, ಮಣ್ಣಿನ ಮಗ. ತಮ್ಮ ಕಿಚನ್ ಗಾರ್ಡನ್ಗೆ ಹಾಜರಾಗಿ ಸಸ್ಯಗಳು ಆರೋಗ್ಯಕರ ಮತ್ತು ಸಂತೋಷವಾಗಿರುವಂತೆ ನೋಡಿಕೊಳ್ಳುತ್ತಿದ್ದರು. ಅವರ ಕೃಷಿ ಆಸಕ್ತಿ ಎಷ್ಟಿತ್ತಂದರೆ ಮನೆಯಲ್ಲೂ ಅಣಬೆಗಳನ್ನು ಬೆಳೆಯಲು ಇಷ್ಟಪಡುತ್ತಿದ್ದರು. ಒಂಟಿಯಾಗಿ ತಿನ್ನುವುದಕ್ಕಿಂತ ಉತ್ತಮ ಆಹಾರವನ್ನು ಇತರರೊಂದಿಗೆ ಹಂಚಿಕೊಳ್ಳುವ ಬಯಕೆ ಅವರ ವಿಶಿಷ್ಟ ಲಕ್ಷಣವಾಗಿತ್ತು. ಎಷ್ಷೇ ಆಗಲಿ ಕೃಷಿ ಕುಟುಂಬದಿಂದ ಬಂದಂತಹ ಇವರಿಗೆ ರೈತರ ನೋವುಗಳನ್ನು ಅರಿತಿದ್ದರು. ೧೯೬೪-೬೭ರ ಅವಧಿಯಲ್ಲಿ ಭಾರತ ರತ್ನರೆಂದೇ ಪ್ರಸಿದ್ದಿ ಪಡೆದಿದ್ದ ಸಿ.ಸುಬ್ರಮಣ್ಯಂ ಅವರು, ಹಸಿರು ಕ್ರಾಂತಿಗೆ ಕಾರಣವಾದ ರಾಜಕೀಯ ನಾಯಕತ್ವ ಮತ್ತು ಬೆಂಬಲವನ್ನು ಒದಗಿಸಿದರು. ನಮ್ಮ ಕೃಷಿ ಇತಿಹಾಸದಲ್ಲಿ ಅದು ಕಷ್ಟದ ದಿನಗಳಾಗಿದ್ದವು.  ಸಾರ್ವಜನಿಕ ವಿತರಣಾ ವ್ಯವಸ್ಥೆಯು ಯು.ಸ್. ಸರ್ಕಾರದ ಪಿ.ಎಲ್ ೪೮೦ ಕಾರ್ಯಕ್ರಮದ ಅಡಿಯಲ್ಲಿ ಯುನೈಟೆಡ್ ಸ್ಟೇಟ್ಸ್ನಿಂದ ಗೋಧಿಯ ಆಗಮನದ ಮೇಲೆ ಅವಲಂಬಿತವಾಗಿರುವುದರಿಂದ ಭಾರತೀಯ ರೈತರನ್ನು “ಸೋಮಾರಿ ಮತ್ತು ಮಾರಣಾಂತಿಕ” ವ್ಯಕ್ತಿಗಳು ಎಂದು ವಿವರಿಸಲಾಗಿದೆ. ಹಸಿರು ಕ್ರಾಂತಿ ಹುಟ್ಟಿದ್ದು ಇದೇ ವಾತಾವರಣದಲ್ಲಿ.ಭೂಮಿಯ ಬಳಕೆಯ ನಿರ್ಧಾರಗಳು ಸಹ ನೀರಿನ ಬಳಕೆಯ ನಿರ್ಧಾರಗಳು ಎಂದು ತಿಳಿದಿದ್ದ ಇವರು, ಭೂಮಿ ಮತ್ತು ಜಲವನ್ನು ಸಮಗ್ರ ರೀತಿಯಲ್ಲಿ ನಿರ್ವಹಿಸಬೇಕು ಎಂದು ರೈತರಿಗೆ ಮನವರಿಕೆ ಮಾಡಿಸಿದರು. ರೈತರಿಗೆ ಲಾಭದಾಯಕ ಬೆಲೆ ಸಿಗದ ಹೊರತು ಇಳುವರಿ ಹೆಚ್ಚಿಸುವ ತಂತ್ರಜ್ಞಾನಗಳ ಬಗ್ಗೆ ಆಸಕ್ತಿ ವಹಿಸುವುದಿಲ್ಲ ಎಂದು ಬಾಬೂಜಿ ಸ್ಪಷ್ಟಪಡಿಸಿದ್ದರು. ೧೯೬೮ ರಲ್ಲಿ ಮೆಕ್ಸಿಕನ್ ಅರೆ-ಕುಬ್ಜ ಗೋಧಿ ತಳಿಯ ಲೆರ್ಮಾ ರೊಜೊದ ಮೊದಲ ದೊಡ್ಡ ಪ್ರಮಾಣದ ಖರೀದಿಯನ್ನು ಭಾರತೀಯ ಆಹಾರ ನಿಗಮವು ಮಾಡಿದಾಗ ಕೃಷಿ ಬೆಲೆ ಆಯೋಗವು ಕೆಂಪು ಮತ್ತು ಅಂಬರ್ ಧಾನ್ಯಗಳ ನಡುವೆ ಪ್ರತಿ ಕ್ವಿಂಟಲ್ಗೆ ಸುಮಾರು ಆರ್-೫ ವ್ಯತ್ಯಾಸವನ್ನು ಶಿಫಾರಸು ಮಾಡಿತ್ತು. ಪ್ರತಿ ಹೆಕ್ಟೇರ್ಗೆ ೪ ರಿಂದ ೫ ಟನ್ ಇಳುವರಿ ನೀಡಿದ ಲೆರ್ಮಾ ರೋಜೊ, ಕೆಂಪು ಧಾನ್ಯಗಳನ್ನು ಹೊಂದಿತ್ತು ಮತ್ತು ಆದ್ದರಿಂದ ಪ್ರತಿ ಕ್ವಿಂಟಲ್ಗೆ  ಆರ್-೫  ಕಡಿಮೆ ಸಿಗುತ್ತಿತ್ತು. ಸಂಗ್ರಹಣೆ ಬೆಲೆಯಲ್ಲಿ ಅಂತಹ ವ್ಯತ್ಯಾಸವನ್ನು ಅಳವಡಿಸಿಕೊಂಡರೆ, ರೈತರು ಲೆರ್ಮಾ ರೋಜೋ ಕೃಷಿಯಲ್ಲಿ ಆಸಕ್ತಿ ಕಳೆದುಕೊಳ್ಳುತ್ತಾರೆ ಎಂದು ಬಾಬೂಜಿ ತಿಳಿದಿದ್ದರು. ಆಗ ಆಹಾರ ಕಾರ್ಯದರ್ಶಿಯಾಗಿದ್ದ ಶ್ರೀ ಡಯಾಸ್ ಜೊತೆ  ಚರ್ಚಿಸಿ ಸಂಸತ್ತಿನಲ್ಲಿ ಧಾನ್ಯದ ಬಣ್ಣವನ್ನು ಲೆಕ್ಕಿಸದೆ ಅದೇ ಬೆಲೆಗೆ ಸರ್ಕಾರವು ಎಲ್ಲಾ ಗೋಧಿಯನ್ನು ಖರೀದಿಸುತ್ತದೆ ಎಂದು ಘೋಷಿಸಿದರು. ಅವರ ಈ ಒಂದು ನಿರ್ಧಾರವು ೧೯೬೮-೬೯ ರಲ್ಲಿ ಮತ್ತು ನಂತರದ ವರ್ಷಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಹೊಸ ಹೆಚ್ಚು ಇಳುವರಿ ತಳಿಗಳನ್ನು ಹರಡುವಲ್ಲಿ ವೇಗವರ್ಧಕ ಪಾತ್ರವನ್ನು ವಹಿಸಿ ಇದು ಅಂತಿಮವಾಗಿ ಗೋಧಿ ಕ್ರಾಂತಿಗೆ ಕಾರಣವಾಯಿತು. ಈ ಬೆಳವಣಿಗೆಯು ಪ್ರಸ್ತುತ ಸಂಸತ್ತಿನ ಪರಿಗಣನೆಯಲ್ಲಿರುವ ರಾಷ್ಟ್ರೀಯ ಆಹಾರ ಭದ್ರತಾ ಮಸೂದೆಯ ಮೂಲಕ ನಮ್ಮ ಜನಸಂಖ್ಯೆಯ ಸುಮಾರು ೭೦% ರಷ್ಟು ಆಹಾರದ ಕಾನೂನು ಹಕ್ಕನ್ನು ನೀಡಲು ಯೋಜಿಸಲು  ಸಾಧ್ಯವಾಯಿತು  ಭಾರತದ ರಾಷ್ಟ್ರೀಯ ಆಹಾರ ಭದ್ರತಾ ಮಸೂದೆಯು ವಿಶ್ವದ ಹಸಿವಿನ ವಿರುದ್ಧದ ಅತಿದೊಡ್ಡ ಸಾಮಾಜಿಕ ರಕ್ಷಣಾ ಕ್ರಮವಾಗಿ ಸ್ವದೇಶಿ ಆಹಾರದೊಂದಿಗೆ ’ಆಹಾರದ ಹಕ್ಕಿಗೆ’ ಪರಿವರ್ತನೆಯಿಂದಾಗಿ ಭಾರತದ ಕೃಷಿ ಇತಿಹಾಸದಲ್ಲಿ ಪ್ರಕಾಶಮಾನವಾದ ಅಧ್ಯಾಯವನ್ನು ಬರೆಯಿತು. ಹಸಿರು ಕ್ರಾಂತಿಗೆ ಕಾರಣವಾದ ವಿವಿಧ ವೈಜ್ಞಾನಿಕ ಮತ್ತು ಸಾರ್ವಜನಿಕ ನೀತಿ ಉಪಕ್ರಮಗಳಲ್ಲಿ, ತೀವ್ರವಾಗಿ ಕೇಂದ್ರೀಕರಿಸಿದ ಅಂತರ-ಶಿಸ್ತಿನ ಸಂಶೋಧನೆ ಮತ್ತು ಅಂತರರಾಷ್ಟ್ರೀಯ ಸಹಯೋಗದ ಜೊತೆಗೆ ಶಾಶ್ವತ ಜಾಗರೂಕತೆಯು ಸ್ಥಿರವಾದ ಕೃಷಿಯ ಬೆಲೆಯೊಂದಿಗೆ ‘ಮಣ್ಣು ಮತ್ತು ಸಸ್ಯಗಳ’ ಆರೋಗ್ಯ ಮತ್ತು ಹವಾಮಾನ ವರ್ತನೆಗೆ ಸ್ಥಿತಿಸ್ಥಾಪಕತ್ವಕ್ಕೆ ಏಕೀಕೃತ ಮತ್ತು ನಿರಂತರವಾದ ಗಮನವನ್ನು ನೀಡುತ್ತದೆ. ಸಾರ್ವಜನಿಕ ನೀತಿ ಮಟ್ಟದಲ್ಲಿ, ಹೆಚ್ಚಿನ ಉತ್ಪಾದಕತೆ ಮತ್ತು ಉತ್ಪಾದನೆಯನ್ನು ಸಾಧಿಸುವಲ್ಲಿ ರೈತರ ಆಸಕ್ತಿಯನ್ನು ಉತ್ತೇಜಿಸಲು ಲಾಭದಾಯಕ ಮಾರ್ಕೆಟಿಂಗ್ ಅವಕಾಶಗಳನ್ನು ಹೊಂದಿವೆ. ಇದು ನಮ್ಮ ಕೃಷಿ ಭವಿಷ್ಯವನ್ನು ರೂಪಿಸಲು ಮತ್ತು ಕೃಷಿಯಲ್ಲಿ ನಿತ್ಯಹರಿದ್ವರ್ಣ ಕ್ರಾಂತಿಯನ್ನು ಸಾಧಿಸುವ ಮಾರ್ಗವಾಗಿದೆ. ಹೀಗಾಗಿ ಬಾಬು ಜಗಜೀವನ್ ರಾಮ್ ಅವರು ಕೃಷಿ ವಿಜ್ಞಾನಿಗಳಿಗೆ ಮತ್ತು ಕೃಷಿ ಮಹಿಳೆಯರಿಗೆ ಮತ್ತು ಪುರುಷರಿಗೆ ನೀಡಿದ ಸಂದೇಶ ಇಂದಿಗ ಮರೆಯದೇ ಮಾದರಿಯಾಗಿರುವದು ಹರ್ಷದ ಹೊನಲಾಗಿದೆ. ಈ ದಿನದ ಅವರ ಜನ್ಮ ದಿನವನ್ನು ಸಾರ್ಥಕಗೊಳಿಸೋಣ.

ಜ್ಯೋತಿ ಜಿ, ಮೈಸೂರು.(ಸಾಮಾಜಿಕ ಚಿಂತಕರು, ಹೋರಾಟಗರರು.)