ಶರಣಪ್ಪ ಸಜ್ಜಿಹೊಲಗೆ ಗಂಗಾವತಿ ವಕೀಲರ ಸಂಘ ಬೆಂಬಲ * 

ಆಮ್ ಆದ್ಮಿ ಪಕ್ಷದ ಅಭ್ಯರ್ಥಿ ಮತ್ತು ನ್ಯಾಯವಾದಿ ಶರಣಪ್ಪ ಸಜ್ಜೀಹೊಲ ಇವರು ಗಂಗಾವತಿಯr ವಕೀಲರ ಸಂಘದಲ್ಲಿ ರಾಜಕೀಯ ಜೀವನದ ಮುನ್ನುಡಿ ಬರೆಯಲು ಬೆಂಬಲಿಸುವಂತೆ ವಕೀಲ ಸದಸ್ಯರನ್ನು ಕೋರಿದರು, ಈ ಸಂದರ್ಭದಲ್ಲಿ ಮಾತನಾಡುತ್ತಾ “ಜನಸಾಮಾನ್ಯರ ಕ್ರಾಂತಿಯಾಗಿರುವ ಹಣ ರಹಿತ ರಾಜಕಾರಣವು ಬೆಳೆದಷ್ಟು ದೇಶ ಮತ್ತು ರಾಜ್ಯ ಹಾಗೂ ಗಂಗಾವತಿ ಅಭಿವೃದ್ಧಿಯತ್ತ ಸಾಗುತ್ತದೆ. ಈಗಿನ ಹಣದ ರಾಜಕಾರಣದಿಂದಾಗಿ ಜನಸಾಮಾನ್ಯರ ಸಂಕಷ್ಟಗಳು ಮತ್ತಷ್ಟು ಜಾಸ್ತಿಯಾಗಿವೆ. ಜನಸಾಮಾನ್ಯರಿಗೆ ಸರ್ಕಾರದಿಂದ ಯಾವುದೇ ಲಾಭಗಳು ದೊರೆಯುತ್ತಿಲ್ಲ. ತಮ್ಮ ಹಕ್ಕುಗಳಿಗಾಗಿ ಹೋರಾಟ ಮಾಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. ಜನರ ತೆರಿಗೆ ಹಣ ಮರಳಿ ಜನರಿಗೆ ದೊರೆಯದೆ ಲೂಟಿಕೋರರ ಪಾಲಾಗುತ್ತಿದೆ ಇದನ್ನು ತಪ್ಪಿಸಲು ಹಣರಹಿತ ರಾಜಕಾರಣದ ಕ್ರಾಂತಿ ಗಂಗಾವತಿಯಲ್ಲಿ ನಡೆಯುತ್ತಿದೆ, ಆ ಕ್ರಾಂತಿಗೆ ಎಲ್ಲರೂ ಸಹಕಾರ ನೀಡುವ ಮೂಲಕ ಕ್ರಾಂತಿಕಾರಿಗಳೇ ಆಗಬೇಕಾಗಿದೆ” ಎಂದರು. ಈ ಸಂದರ್ಭದಲ್ಲಿ ಹಿರಿಯ ವಕೀಲರಾದ ಎಸ್ ಕೆ ದಂಡಿನ್ ಮತ್ತು ಅಯ್ಯನಗೌಡ ವಕೀಲರು ಮಾತನಾಡಿ “ಶರಣಪ್ಪ ಸಜ್ಜೀಹೊಲ ಇವರ ಹೋರಾಟ ಅಮೋಘ ಅನನ್ಯ, ಅವರ ಹೋರಾಟ ರಾಜಕೀಯ ಜೀವನದ ಮೂಲಕ ಯಶಸ್ಸನ್ನ ಪಡೆಯಲಿ “ಎಂದು ಹಾರೈಸಿದರು. ಕಾರ್ಯದರ್ಶಿಗಳಾದ ಮಂಜುನಾಥ್ ಹಿರೇಮಠ ಕಾರ್ಯಕ್ರಮವನ್ನು ನಡೆಸಿಕೊಟ್ಟರೆ, ಶ್ರೀ ಮಲ್ಲಿಕಾರ್ಜುನ್ ಮುಸಾಲಿ ಅಧ್ಯಕ್ಷರು ವಕೀಲರ ಸಂಘ ಗಂಗಾವತಿ ಇವರು ಅಧ್ಯಕ್ಷೀಯ ಭಾಷಣ ಮಾಡುತ್ತಾ-“ಶರಣಪ್ಪ ಸಜ್ಜಿಹೊಲ ಇವರು ನಮ್ಮ ಕುಟುಂಬದ ಸದಸ್ಯರಾಗಿದ್ದು ಇವರನ್ನು ಬೆಂಬಲಿಸುವುದು ನಮ್ಮೆಲ್ಲರ ಕರ್ತವ್ಯವಾಗಿದೆ ನಾವೆಲ್ಲ ತನು ಮನ ಧನ ಗಳಿಂದ ಬೆಂಬಲಿಸೋಣ ಮತ್ತು ಅವರಿಗೆ ರಾಜಕೀಯ ಜೀವನದಲ್ಲಿ ನಮ್ಮ ಸಹಕಾರ ನಿರಂತರವಾಗಿ ನೀಡೋಣ” ಎಂದು ಎಲ್ಲ ವಕೀಲರಿಗೆ ಕರೆಕೊಟ್ಟರು. ಸಭೆಯ ನಂತರ ವಕೀಲರ ಸಂಘದ ಎಲ್ಲಾ ವಕೀಲರು ಅಭಿನಂದನೆಗಳನ್ನು ಸಲ್ಲಿಸುವ ಮೂಲಕ ಯಶಸ್ಸು ದೊರೆಯಲಿ ಎಂದು ಶುಭ ಕೋರಿದರು.

ವರದಿ – ಸಂಪಾದಕೀಯಾ.