ಅಪ್ಪನ ಭೇಟಿಯ ಆ ಕ್ಷಣ………

ಹೊಲದಿ….

ಸೀಳಿದ ಕಾವಿನ ಸಲಿಕೆ

ಅಪ್ಪನ ಕೈಯೊಳು…

ಬಾಡಿ ಬೆಂಡಾದ ಬೆಳೆ

ಬಿಸಿಲ ಕಾವೊಳು…

ತೂತಾಗಿ ಚರ್ಮವ ತುತ್ತಾಗಿಸಿದ

ಅಪ್ಪನಾಸರೆಯ ಬನಿಯನ್ …

ಕಾಡಿತೇಕೊ ಬಾಳ ದಿನದ

ಅಪ್ಪನ ಭೇಟಿಯ ಆ ಕ್ಷಣ

 

ಬದುಕಿನ ಬವಣೆಯ ನೊಗವ ಹೊತ್ತಪ್ಪನ

ಬೆವರು ಹನಿ ಉಂಡ ಕಾವು…

ಸಾಲಾಗಿ ಹರಿವ ನೀರಲ್ಲಿ ಬೆರೆತ

ಅಪ್ಪನ ಕಣ್ಣೀರು…

ಉಂಡ ಉಳ್ಳಗಡ್ಡೆ ಬೇರು

ಹುಲುಸಾಗಿದೆ ದಣಿವ ತಣಿಸಿ…

ಕಾಡಿತೇಕೋ ಬಾಳ ದಿನದ

ಅಪ್ಪನ ಭೇಟಿಯ ಆ ಕ್ಷಣ

 

ಕಾವು ಮಾತ್ರ ಕೈಗೆ

ಬೆಳೆ ದಲ್ಲಾಳಿ ಜೇಬಿಗೆ..

ಸಲಿಕೆ ಸವೆದೊಗಿದೆ ಶ್ರಮದಲಿ

ಬೆಲೆ ಕೊಲೆಯಾಗಿದೆ….

ಅಪ್ಪ ಮಾತ್ರ ಅದೆ ಶಾಂತ ಸಾಗರ

ಅದೇ ಹೊಲ ಅದೇ ಜಲ…

ಕಾಡಿತೆಕೋ ಬಾಳ ದಿನದ

ಅಪ್ಪನ ಭೇಟಿಯ ಆ ಕ್ಷಣ

 

ಅಮ್ಮನ ಕೈಯ

ಸಜ್ಜಿ ರೊಟ್ಟಿ, ಪುಂಡೆಪಲ್ಲೆ

ಗೂರ್ಯಾಳ್ ಚಟ್ನಿ,

ಹಸಿಮೆಣಸಿನ ಕಾಯಿ

ಹಸಿ ಹಸಿ ಸೊಪ್ಪಿನ

ಅಪ್ಪನ ಜೋತೆಯ ನಮ್ಮ ಹೊಲದೂಟ …

ಕಾಡಿತೆಕೋ ಬಾಳ ದಿನದ

ಅಪ್ಪನ ಭೇಟಿಯ ಆ ಕ್ಷಣ

ಮನದ ಮೂರುತಿ

ಮನೆಯ ದೇವರು

ಮಾನವೀಯತೆಯ ಮೇರು ಅಪ್ಪ…

ಸುಪ್ತ ಸಾಗರ

ಸರ್ವ ಸಂಪನ್ನ

ನಿಸ್ವಾರ್ಥಿ ನಿಜಗುಣ ದೈವ ಅಪ್ಪ…

ಕಾಡಿತೆಕೋ ಬಾಳ ದಿನದ

ಅಪ್ಪನ ಭೇಟಿಯ ಆ ಕ್ಷಣ

ರಾಮು ಎನ್ ರಾಠೋಡ್ ಮಸ್ಕಿ.