ಬಸವ ಜ್ಯೋತಿ ಶಾಲೆಯ ಶಿಕ್ಷಕಿ ನಿಂಗಮ್ಮ ಉತ್ತಮ ಶಿಕ್ಷಕಿ ಪ್ರಶಸ್ತಿ
ಯಲಬುರ್ಗಾ : ತಾಲೂಕಿನ ಮುಧೋಳ ಗ್ರಾಮದ ಬಸವ ಜ್ಯೋತಿ ಪ್ರಾಥಮಿಕ ಶಾಲೆಯ ಸಹ ಶಿಕ್ಷಕಿ ನಿಂಗಮ್ಮ ಪುರ್ತಗೆರಿ ಅವರು ಉತ್ತಮ ಶಿಕ್ಷಕಿ ರತ್ನ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.
ಕೂಕನೂರಿನ ವಿದ್ಯಾಶ್ರೀ ಶಿಕ್ಷಣ ಸಂಸ್ಥೆಯಲ್ಲಿ ನಡೆದ ಯಲಬುರ್ಗಾ ಮತ್ತು ಕೂಕನೂರ್ ತಾಲೂಕುಗಳ ಅನುದಾನರಹಿತ ಶಿಕ್ಷಣ ಸಂಸ್ಥೆ ಆಡಳಿತ ಮಂಡಳಿಗಳ ಒಕ್ಕೂಟ ಆಶ್ರಯದಲ್ಲಿ ನಡೆದ ಉಭಯ ತಾಲೂಕು ಮಟ್ಟದ ಶಿಕ್ಷಕ ದಿನಾಚರಣೆಯಲ್ಲಿ ಯಲಬುರ್ಗಾ ತಾಲೂಕಿನ ಮುಧೋಳ ಗ್ರಾಮದ ನಿಂಗಮ್ಮ ಪುರ್ತಗೆರಿ ಅವರಿಗೆ ಉತ್ತಮ ಶಿಕ್ಷಕ ರತ್ನ ಪ್ರಶಸ್ತಿ ಪ್ರಧಾನ ಮಾಡಲಾಯಿತು. ಉತ್ತಮ ಶಿಕ್ಷಕಿ ಪ್ರಶಸ್ತಿ ಪಡೆದ ನಿಂಗಮ್ಮ ಅವರಿಗೆ ಬಸವ ಜ್ಯೋತಿಯ ಹಿರಿಯ ಪ್ರಾಥಮಿಕ ಶಾಲಾ ಆಡಳಿತ ಮಂಡಳಿ ಅಧ್ಯಕ್ಷರು ಶಿವ ಶರಣಪ್ಪ ಬಳಿಗಾರ, ಮುಖ್ಯ ಶಿಕ್ಷಕರಾದ ಅಜಿಜಸಾಬ್ ಹಿರೇಮನಿ, ಇನ್ನೂರ್ವ ಸಹ ಶಿಕ್ಷಕಿಯರಾದ ವಿದ್ಯಾ ಬಳಿಗಾರ, ಅಕ್ಕಮಹಾದೇವಿ ಹಿರೇಮಠ, ಪವಿತ್ರ ತೊಂಡಿಹಾಳ, ಪಲ್ಲವಿ ಪುರ್ತಗೇರಿ ಇನ್ನುಳಿದ ಶಿಕ್ಷಕ ವರ್ಗದವರು ಅಭಿನಂದಿಸಿದ್ದಾರೆ.
ವರದಿ : ಹುಸೇನ್ ಮೊತೇಖಾನ್