ಆಕೆ,

ಸೆರಗ ಮರೆಯಲಿ
ಅಮೃತ ಉಣಿಸಿದವಳಾಕೆ
ಅಂಬರದ ಚಂದಿರನ ತೋರಿ
ತುತ್ತ ನಿಟ್ಟವಳಾಕೆ (ಅಮ್ಮ )

ಅಕ್ಕರೆಯ ಅಣ್ಣನ
ಬೆನ್ನಿಗೆ ಬಿದ್ದವಳಾಕೆ
ಹುಡುಗಾಟಕೆಯಲ್ಲಿ ಕಾಡಿದರೂ ಕಾಳಜಿ ನೀಡುವಳಾಕೆ (ಸಹೋದರಿ )

ಭಾವಯಾನದಲಿ ಕರುಳ ಬಂದವಿಲ್ಲದೆ
ಎದೆಯ ಬಂಧಕ್ಕೆ ಬೆಸೆದವಳಾಕೆ (ಸ್ನೇಹಿತೆ )

ಬಿಸಿ ಚುಂಬನದೊಂದಿಗೆ
ಅಪ್ಪಿದವಳಾಕೆ
ಸುಖ ಗೀತೆ ಹಾಡಿ
ವಂಶ ಬೆಳೆಸಿದವಳಾಕೆ (ಪತ್ನಿ )

ಪುಟ್ಟ ಬೆರಳಲಿ ನನ್ನ ಕೈಹಿಡಿದವಳಾಕೆ
ಎದೆಯ ಮೇಲೆ ಪುಟ್ಟ ಪಾದದಿಂದ ನಡೆದಾಡುವಳಾಕೆ
ನನ್ನ ಕರುಳ ಕುಡಿ ಆಕೆ (ಮಗಳು )

ಅವಳಿಲ್ಲದೆ ನಾವುಂಟೆ?
ಸ್ತ್ರೀ ಎಂದರೆ ಅಷ್ಟೇ ಸಾಕೆ?
ನಿನಗೆ ಬೇರೆ ಹೆಸರು ಬೇಕೆ?

ಸುಮಾಶಿವಕುಮಾರ್ (ದಾವಣಗೆರೆ )
ಸಹಶಿಕ್ಷಕರು