💐🙏ಬೌದ್ಧ ಪೂರ್ಣಿಮೆ🙏💐
ಆಕಾಶದಿ ಅಮವಾಸೆಯ
ಕಾರ್ಗತ್ತಲೆಯ ಕಳೆದು ಬಂದ
ಹುಣ್ಣಿಮೆಯ ಚಂದಿರನಂತೆ..
ಅಂಧಕಾರದಲಿರುವ ಜಗಕೆ
ಬೆಳಕ ನೀಡಲು ಬಂದ ಈ ನಮ್ಮ ಬಾನ ಸೂರ್ಯ ಬುದ್ಧ.
ಅರಮನೆಯ ರಾಜ ವೈಭವದ ಭೋಗವಿಲಾಸ ಜೀವನ ತಳ್ಳಿ
ಹೊರನಡೆದು ತಾ ಬಂದ…
ರೋಗಿ-ವೃದ್ಧ-ಸಾವಿನ ಹೆಣವ
ನೋಡಿ ಜೀವನದೀ ದಿಗಿಲೆದ್ದ
ಇವಕೆ ಉತ್ತರ ಹುಡುಕಲು ಬಂದ ಈ ನಮ್ಮ ಬುದ್ಧ.
ಜಡವಾದ ಭುವಿಯಲಿ ಸಸಿ
ಉದಯಿಸಿ ಬಂದಂತೆ
ಜಿಡ್ಡುಗಟ್ಟಿದ ಸಮಾಜದಲಿ
ನವಚೈತನ್ಯವ ತುಂಬಿದ…
ಜೀವನದಿ ಬೆಂದು ಬಸವಳಿದ
ಜನಕೆ ದಿಕ್ಕಾಗಿ ಬಂದ ಈ ಬುದ್ಧ.
ದೇವರು-ಆತ್ಮ,ಜಾತಿ-ಮತ
ವರ್ಗ-ವರ್ಣ,ಬಡವ-ಧನಿಕ
ಇವುಗಳೆಲ್ಲ ತಿರಸ್ಕರಿಸಿದ…
ಜ್ಞಾನ-ಶೀಲ-ಕರುಣೆ ಆಧರಿಸಿ
ನಾಡಿನಗಲ ಪುರಸ್ಕರಿಸಿದ.
ಆಸೆಯೇ ದುಃಖಕ್ಕೆ ಮೂಲ
ಕಾರಣ ಎಂಬ ಸತ್ಯ ಅರುಹಿದ
ಅಷ್ಟಾಂಗ ಮಾರ್ಗಗಳೆಂಬ
ನೀತಿ ತತ್ತ್ವ ಸಾರಿ ಹೇಳಿ
ಜಗಕ್ಕೆಲ್ಲ ಜ್ಯೋತಿಯಾದ ಈ ಪೂರ್ಣವತಾರಿ ಬುದ್ಧ.
🙏ಬುದ್ಧ ಪೂರ್ಣಿಮೆಯ
ಹಾರ್ಧಿಕ ಶುಭಾಶಯಗಳು🙏
ಸೋಮನಾಥ.ಡಿ.
ಪ್ರಾಂಶುಪಾಲರು..✍🏻