ಶಿವಮೂರ್ತಿ ಮಾಲಿ ಪಾಟೀಲ್ ಕುಟುಂಬದಿಂದ ಕೋವಿಡ್ ವಾರಿಯರ್ಸಗೆ ಕಿಟ್ ವಿತರಣೆ
ರಾಯಚೂರು ಜಿಲ್ಲೆಯ ಸಿರವಾರ ಪಟ್ಟಣದಲ್ಲಿ ಇಂದು ದಿ|| ವೀರನಗೌಡ ಲಕ್ಕಂದಿನ್ನಿ ಇವರ ಪ್ರಥಮ ವರ್ಷದ ಪುಣ್ಯಸ್ಮರಣೆಯ ಅಂಗವಾಗಿ ಅವರ ಪುತ್ರ ಶಿವಮೂರ್ತಿ ಮಾಲಿ ಪಾಟೀಲ್ ಲಕ್ಕಂದಿನ್ನಿ ಅವರು ಕೊರೋನಾ ವಾರಿಯರ್ಸ್, ಕೊರೋನಾ ರೋಗಿಗಳಿಗೆ, ಪೌರಕಾರ್ಮಿಕರಿಗೆ ಹಾಗೂ ಪೊಲೀಸ್‍ರಿಗೆ ಆಹಾರ ಕಿಟ್‍ಗಳನ್ನು ವಿತರಣೆ ಮಾಡಿದರು. ಪಟ್ಟಣದ ಸರ್ಕಾರಿ ಪ್ರಾಥಮಿಕ ಆರೋಗ್ಯ ಕೇಂದ್ರ ಹಾಗೂ ಪೊಲೀಸ್ ಠಾಣೆಯಲ್ಲಿ ಆಹಾರ ಕಿಟ್‍ಗಳನ್ನು ನವಲಕಲ್ ಬೃಹನ್ಮಠದ ಪೂಜ್ಯ ಶ್ರೀ ಅಭಿನವ ಸೋಮನಾಥ ಶಿವಾಚಾರ್ಯ ಮಹಾಸ್ವಾಮಿಗಳು ವಿತರಣೆ ಮಾಡಿದರು, ಈ ವೇಳೆ ಮಾತನಾಡಿದ ಶ್ರೀಗಳು ಲಕ್ಕಂದಿನ್ನಿ ಶಿವಮೂರ್ತಿ ಮಾಲಿ ಪಾಟೀಲ್ ಅವರು ತಮ್ಮ ತಂದೆಯವರ ಪುಣ್ಯಸ್ಮರಣೆಯ ಅಂಗವಾಗಿ ಕೊರೋನಾ ವಾರಿಯರ್ಸ್‍ಗಳಿಗೆ ಆಹಾರ ಕಿಟ್‍ಗಳನ್ನು ನೀಡುತ್ತಿರುವುದು ಪುಣ್ಯದ ಕಾರ್ಯ ಮಕ್ಕಳ ಸಾಮಾಜಿಕ ಕಾರ್ಯದಿಂದ ದಿ|| ವೀರನಗೌಡರ ಆತ್ಮಕ್ಕೆ ಶಾಂತಿ ಸಿಗಲಿದೆ ಎಂದ ಅವರು ಒಂದು ವೇಳೆ ಅವರು ಬದುಕಿದ್ದರೆ ಸಂತೋಷ ಪಡುತ್ತಿದ್ದರು ಎಂದರು. ಈ ಸಂದರ್ಭದಲ್ಲಿ ದಿ|| ವೀರನಗೌಡ ಮಾಲಿಪಾಟೀಲ್ ಅವರ ಪುತ್ರರಾದ ಶಿವಮೂರ್ತಿ ಮಾಲಿಪಾಟೀಲ್, ಮೌನೇಶ ಮಾಲಿಪಾಟೀಲ್, ಬಸವರಾಜ ಪಾಟೀಲ್, ಸ್ನೇಹಿತರಾದ ಮಲ್ಲು ಪಾಟೀಲ್, ಶಿವುಕುಮಾರ್, ಶಿವಬಸವ, ವಿಶ್ವ, ಸಮೀರ್, ಅಲ್ತಾಫ್, ರಮೇಶ, ರಾಮ, ಅಮರೇಶ ಇತರರು ಇದ್ದರು.
ವರದಿ – ಆನಂದ್ ಸಿಂಗ್ ಕವಿತಾಳ