#ತಪ್ಪಿದ ಭಾರಿ ಅನಾಹುತ..

1. #ತಪ್ಪಿದ ಭಾರಿ ಅನಾಹುತ..

ಹುಲಿಹೈದರ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಲಾಯದುಣಸಿ ಗ್ರಾಮದಲ್ಲಿ ನಿನ್ನೆ ತಡ ರಾತ್ರಿ ಸಾಹುಕಾರ್ ಶೇಕರಪ್ಪ ಮನೆಯ ಛಾವಣಿ ಆಕಸ್ಮಿಕ ಕುಸಿತಕ್ಕೆ ಹೋರಿ ಕರುವೊಂದು ಸ್ಥಳದಲ್ಲಿ ಸಾವನ್ನಪ್ಪಿದ್ದು, ಮನೆಯಲ್ಲಿಯೇ ಮಲಗಿದ್ದ ಆನಂದಪ್ಪ ಅವರ ಪತ್ನಿಯ ತಲೆಗೆ ಪೆಟ್ಟಾಗಿ ಗಂಗಾವತಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ರಾತ್ರಿ 12.30 ಕ್ಕೆ ಜಮೀನು ಕೆಲಸಕ್ಕೆ ತೆರಳಿದ್ದ ಆನಂದಪ್ಪ ಇವರು ಭಾರಿ ಅಪಘಾತದಿಂದ ಪಾರಾಗಿದ್ದಾರೆ ಎಂದು ಹೇಳಲಾಗುತ್ತಿದೆ, ಮತ್ತು ಅವರ ಪತ್ನಿ ಛಾವಣಿಯ ಕುಸಿತಕ್ಕೆ ಸುಮಾರು ಎರಡು ಅಡಿಯಷ್ಟು ಮಣ್ಣಲ್ಲಿ ಹೂತೋಗಿದ್ದು ಅವರನ್ನು ಸ್ಥಳೀಯರೊಬ್ಬರು ಹೊರ ತೆಗೆದು ಆಸ್ಪತ್ರೆಗೆ ಕಳುಹಿಸಿದ್ದು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಸುದ್ದಿ ತಿಳಿದು ಸ್ಥಳಕ್ಕೆ ಆಗಮಿಸಿದ ಕಂದಾಯ ನಿರೀಕ್ಷಕ ಮಹ್ಮದ್ ಅಕ್ತರ್, ಪಂಚಾಯತ್ ಅಭಿವೃದ್ದಿ ಅಧಿಕಾರಿ ರವೀಂದ್ರ ಕುಲಕರ್ಣಿ, ಗ್ರಾಮ ಲೆಕ್ಕಿಗ ಪ್ರವೀಣ್ ಕುಮಾರ್, ಪಶುವೈದ್ಯರು, ಸ್ಥಳೀಯ ಗ್ರಾಮಾ ಪಂಚಾಯತ್ ಸದಸ್ಯ ಯಮನೂರಪ್ಪ ನಾಯಕ್, ಶಿವಪುತ್ರಪ್ಪ ಮತ್ತು ಮಾಜಿ ಗ್ರಾಪಂ ಉಪಾಧ್ಯಕ್ಷ ನರಸಣ್ಣ ನಾಯಕ್, ರೈತ ಸಂಘದ ಅಧ್ಯಕ್ಷ ಶರಣಪ್ಪ ಗದ್ದಿ ಹಾಜರಿದ್ದರು, ಅಧಿಕಾರಿಗಳು ಪಂಚನಾಮಿ ಸ್ಥಳ ಮಹಜರು ಮಾಡಿಕೊಂಡು ಪರಿಹಾರಕ್ಕೆ ವರದಿ ಮಾಡಲಾಯಿತು.

#ಅಮಾಜಪ್ಪ ಹೆಚ್.ಜಿ.