ಸಿರುಗುಪ್ಪ ತಾಲ್ಲೂಕಿನ ಬಂಡ್ರಾಳು ಗ್ರಾಮದ ಆಂಜನೇಯ ಸ್ವಾಮಿ ದೇವಸ್ಥಾನದ ಹತ್ತಿರ ಬೆಳ್ಳಂಬೆಳಿಗ್ಗೆ ನವಜಾತ ಶಿಶು ಪತ್ತೆ……
ಸಿರುಗುಪ್ಪ :ತಾಲ್ಲೂಕಿನ ಬಂಡ್ರಾಳು ಗ್ರಾಮದ ಆಂಜನೇಯ ಸ್ವಾಮಿ ದೇವಸ್ಥಾನದ ಹತ್ತಿರ ಬೆಳ್ಳಂಬೆಳಿಗ್ಗೆ ನವಜಾತ ಶಿಶು ಪತ್ತೆಯಾಗಿದೆ ಮಧ್ಯರಾತ್ರಿಯ ನಂತರದ ಅವಧಿಯಲ್ಲಿ ಮಗು ಜನಿಸಿರಬಹುದು ಎಂದು ಅಂದಾಜಿಸಲಾಗುತ್ತಿದೆ ಹೆಣ್ಣು ಮಗುವಾದ ಕಾರಣ ದೇವಸ್ಥಾನದ ಬಳಿ ಬಿಟ್ಟು ಹೋಗಿರಬಹುದೆಂದು ಗ್ರಾಮಸ್ಥರು ಹೇಳುತ್ತಿದ್ದಾರೆ ವಿಷಯ ತಿಳಿಯುತ್ತಲೇ ತಾಲ್ಲೂಕು ವೈದ್ಯಾಧಿಕಾರಿ ಡಾ ವಿದ್ಯಾಶ್ರೀ ಮತ್ತು ಶಿಶು ಅಭಿವೃದ್ದಿ ಯೋಜನಾ ಅಧಿಕಾರಿ ಜಲಾಲಪ್ಪ ಇವರುಗಳು ಗ್ರಾಮ ವ್ಯಾಪ್ತಿಯಲ್ಲಿನ ಆಶಾ ಕಾರ್ಯಕರ್ತೆಯರಿಗೆ ಮತ್ತು ಅಂಗನವಾಡಿ ಕಾರ್ಯಕರ್ತೆಯರಿಗೆ ಸೂಕ್ತ ಸಲಹೆಗಳನ್ನು ಕೊಟ್ಟು ಮಗುವನ್ನು ಮಕ್ಕಳ ತಜ್ಞರ ಬಳಿ ಕರೆದುಕೊಂಡು ಹೋಗಿದ್ದಾರೆ. ಗರ್ಭಾವಸ್ಥೆ ಪೂರ್ಣವಾಗದೆ ಅಕಾಲಿಕವಾಗಿ ಮಗು ಜನನವಾಗಿದ್ದು ಮಗುವಿನ ತೂಕವೂ ಕಡಿಮೆ ಇರುವುದರಿಂದ ತಕ್ಷಣ ತೆಗೆದುಕೊಳ್ಳಬಹುದಾದ ವೈದ್ಯಕೀಯವನ್ನು ಮಗುವಿಗೆ ನೀಡಲಾಗುತ್ತದೆ ಗ್ರಾಮದ ನಿವಾಸಿಯೊಬ್ಬರು ಮಗುವಿನ ಪಾಲನೆ ಪೋಷಣೆ ಮಾಡುವುದಾಗಿ ತಮಗೆ ಮಗು ಕೊಡಿ ಎಂದರೂ ಕಾನೂನು ಪ್ರಕಾರವಾಗಿ ಮಾಡಬೇಕಾದ ಕ್ರಮಗಳಿರುವ ಕಾರಣ ಮಗುವನ್ನು ಅಧಿಕಾರಿಗಳು ತಮ್ಮಲ್ಲಿಯೇ ಇಟ್ಟುಕೊಂಡಿದ್ದಾರೆ.
ವರದಿ – ಚಲುವಾದಿ ಅಣ್ಣಪ್ಪ