“ಮನಗೂಳಿ ಪಟ್ಟಣ ಪಂಚಾಯತ ಮುಖ್ಯಾಧಿಕಾರಿ ಶಬ್ಬೀರ್ ರೇವುಕರ“….
ವಿಜಯಪುರ ಜಿಲ್ಲೆಯ ಬಸವನಬಾಗೇವಾಡಿ ತಾಲೂಕಿನ ಪಟ್ಟಣ ಪಂಚಾಯಿತಿಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಗಳಾದ ಶ್ರೀ ರಮೇಶ್ ಮಾಡಬಾಳ ಇವರ ವರ್ಗಾವಣೆ ನಂತರ ಅವರ ಸ್ಥಾನಕ್ಕೆ ಪುರಸಭೆ ಇಂಡಿಯ ಕಂದಾಯ ಅಧಿಕಾರಿ ಶ್ರೀ ಶಬ್ಬೀರ ರೇವುಕರ ಇವರನ್ನು ನೇಮಕ ಮಾಡಿ ಜಿಲ್ಲಾಧಿಕಾರಿಗಳು ಆದೇಶ ಹೊರಡಿಸಿದ್ದು ಇತ್ತೀಚಿಗೆ ಐದಾರು ದಿನಗಳ ಹಿಂದೆ ಮನಗೂಳಿ ಪಟ್ಟಣ ಪಂಚಾಯತ ಮುಖ್ಯಾಧಿಕಾರಿಯಾಗಿ ಅಧಿಕಾರ ವಹಿಸಿಕೊಂಡರು. ಇದಕ್ಕೂ ಮುಂಚೆ ಒಂದು ಬಾರಿ ಮನಗೂಳಿ ಪಟ್ಟಣ ಪಂಚಾಯತಿಯಲ್ಲಿ ಇವರು ಮುಖ್ಯಾಧಿಕಾರಿಯಾಗಿ ಕಾರ್ಯನಿರ್ವಹಿಸಿದ್ದರು, ಇಲ್ಲಿನ ಸಿಬ್ಬಂದಿಯವರು ಪರಿಚಿತರು ಆದರೂ ಕೆಲವರ ಹೊಸದಾಗಿ ಬಂದಿರುವ ಸಿಬ್ಬಂದಿಗಳನ್ನು ಪರಿಚಯ ಮಾಡಿಕೊಂಡರು. ಪಂಚಾಯತಿಗೆ ಯಾರೇ ಬರಲಿ ಎಲ್ಲರ ಜೊತೆ ಸಹನೆ ವಿನಯದಿಂದ ಮಾತನಾಡಿ ಅವರ ಕೆಲಸಗಳನ್ನು ಮಾಡಿಕೊಡಬೇಕು ಎಂದು ಸಿಬ್ಬಂದಿವರ್ಗದವರಿಗೆ ಕಿವಿಮಾತು ಹೇಳಿದರು. ಸಾರ್ವಜನಿಕರಿಂದ ಯಾವುದೇ ದೂರುಗಳು ಬರದಂತೆ ಎಚ್ಚರಿಕೆಯಿಂದ ಕೆಲಸ ನಿರ್ವಹಿಸುವಂತೆ ತಿಳಿ ಹೇಳಿದರು. ಅದೇ ರೀತಿ ಮನಗೂಳಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಪ್ರತಿದಿನ ಕೋರೋನಾ ಲಸಕೆಯನ್ನು ಹಾಕುತ್ತಿದ್ದಾರೆ ಎಲ್ಲಾ ಮನಗೂಳಿಯ ಸಾರ್ವಜನಿಕರು 18 ವರ್ಷದ ಮೇಲ್ಪಟ್ಟ ಇರುವ ಎಲ್ಲ ಜನರು ಲಸಿಕೆಯನ್ನು ಹಾಕಿಸಿಕೊಳ್ಳಬೇಕು ಎಂದು ಪತ್ರಿಕಾ ಪ್ರತಿನಿಧಿಗಳೊಂದಿಗೆ ಹೇಳಿಕೆ ನೀಡಿದರು.
ವರದಿ : ಮಲ್ಲಿಕಾರ್ಜುನ್ ಬುರ್ಲಿ