“ಉಳಿದಾವ ಮಾತು“ಕಿರುಚಿತ್ರ ….
ಸಾಮಾನ್ಯವಾದ ಬಡಕುಟುಂಬದ ಹುಡುಗನ ಕಥೆ. ಸಮಾಜಕ್ಕೆ ಉತ್ತಮ ಸಂದೇಶವಿರುವ ಚಿತ್ರ . “ಉಳಿದಾವ ಮಾತು” ಇದು ಪರಿವರ್ತನಾ ಸ್ಟುಡಿಯೋಸ್ ಮತ್ತು ಅಭಿಮಾನ್ ಫಿಲಂಸ್ ಬ್ಯಾನರ್ ಅಡಿಯಲ್ಲಿ ಮೂಡಿ ಬರುತ್ತಿರುವ ಕಿರುಚಿತ್ರ. ಈಗಾಗಲೇ ಮೂರೂ ಕಿರುಚಿತ್ರಗಳ ನಿರ್ದೇಶನ ಮಾಡಿ ಸೈ ಎನಿಸಿಕೊಂಡಿರುವ ಅಭಿಮಾನ್ “ಉಳಿದಾವ ಮಾತಿ”ನ ಮೂಲಕ ಮತ್ತೊಮ್ಮೆ ಸಾಮಾಜಿಕ ಸಂದೇಶ ಹೊತ್ತು ಬರಲಿದ್ದಾರೆ. ಇನ್ನೂ ಈ ಕಿರುಚಿತ್ರ ಪರಿವರ್ತನಾ ಸ್ಟುಡಿಯೊಸ್ ಯೂಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆ ಆಗುತ್ತಿದೆ. ಈಗಾಗಲೇ ನಟ, ನಿರ್ದೇಶಕ ಅಭಿಮಾನ್ ಅವರು ಖಾಸಗಿ ವಾಹಿನಿಯಲ್ಲಿ ನಿರೂಪಕನಾಗಿ ಹೆಸರು ಮಾಡಿದ್ದಾರೆ . ತಮ್ಮ ಸಿನಿಮಾ ಕ್ಷೇತ್ರದ ಮೇಲಿನ ಆಸಕ್ತಿಯನ್ನು ತೊರೆಯದೆ ಸತತ ಪ್ರಯತ್ನದ ಫಲವಾಗಿ “ಲವ್ ಬೈಟ್” , “ದಿ ಲ್ಯಾಂಪ್” , “ದಿ ಡಾರ್ಕ್” ಎಂಬ ಮೂರೂ ಕಿರುಚಿತ್ರವನ್ನು ಮಾಡಿ ಎಲ್ಲರ ಮನ ಗೆದ್ದಿದ್ದಾರೆ. ಇನ್ನೂ ಈ ಕಿರುಚಿತ್ರಕ್ಕೆ ಉತ್ತಮ ತಂಡ ಕಟ್ಟಿಕೊಂಡಿದ್ದು ಅಂಜನ್ , ಮಹಾರಾಜಾ ಕಟ್ಟಿಮನಿ , ಸುನೈನಾ , ಖುಷಿ , ಜೀವನ್ , ಪಲ್ಲವಿ , ವಿಶಾಲ್ , ಆನಂದ್, ಪ್ರಭಾಕರ್ ಸಾಥ್ ನೀಡಿದ್ದಾರೆ. ಉತ್ತಮ ಸಂದೇಶವಿರುವ ಕಿರುಚಿತ್ರಗಳನ್ನು ನೀಡುತ್ತಿದ್ದು. “ದಿ ಲ್ಯಾಂಪ್ “ ಕಿರುಚಿತ್ರವು ನ್ಯಾಷನಲ್ ಫಿಲಂ ಫೆಸ್ಟಿವಲ್ ಗೆ ಆಯ್ಕೆಯಾಗಿದೆ. ಎರಡು ಸಿನಿಮಾಗಳಲ್ಲಿ ನಾಯಕ ನಟನಾಗಿ ಅಭಿನಯಿಸಿರುವ ಅಭಿಮಾನ್ ಮುಂದಿನ ದಿನಗಲ್ಲಿ ಸಿನಿಮಾ ನಿರ್ದೇಶನ ಮಾಡುವ ನಿರೀಕ್ಷೆಯಲ್ಲಿದ್ದಾರೆ.
ವರದಿ~ಮೌನೇಶ್ ರಾಥೋಡ್ ಬೆಂಗಳೂರು