ತಾವರಗೇರಾ ಪಟ್ಟಣದ ಹಜರತ್ ಖಾಜಾ ಗರಿಬ್ ನವಾಜ್ ಧಾರ್ಮಿಕ ಮತ್ತು ಸಮಾಜೋದ್ಧಾರಕ ಸಂಘದ ವತಿಯಿಂದ ಉಚಿತ ಖತ್ನಾ ಕಾರ್ಯಕ್ರಮ…
ತಾವರಗೇರಾ ಪಟ್ಟಣದ ಹಜರತ್ ಖಾಜಾ ಗರಿಬ್ ನವಾಜ್ ಧಾರ್ಮಿಕ ಮತ್ತು ಸಮಾಜೋದ್ಧಾರಕ ಸಂಘದ ವತಿಯಿಂದ ಪ್ರತಿವರ್ಷದಂತೆ ಈ ವರ್ಷವೂ ಕೂಡ ಶ್ಯಾಮಿದಲ್ಲಿ ದರ್ಗಾದ ಹತ್ತಿರ ಉಚಿತ ಖತ್ನಾ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಪಟ್ಟಣ ಸೇರಿದಂತೆ ಸುತ್ತಮುತ್ತಲಿನ ಗ್ರಾಮದ ಮುಸ್ಲಿಂ ಬಾಂಧವರ 90ಕ್ಕೂ ಅಧಿಕ ಮಕ್ಕಳಿಗೆ ಉಚಿತ ಖತ್ನಾ ಮಾಡಲಾಯಿತು. ಸ್ಥಳೀಯ ಕಮಿಟಿ ವತಿಯಿಂದ ಆಯೋಜಿಸಿದ್ದ ಖತ್ನಾ ಕಾರ್ಯಕ್ರಮದಲ್ಲಿ ರಾಯಚೂರಿನ ಖ್ಯಾತ ವೈದ್ಯರಾದ ಡಾ:ಮಹ್ಮದ್ ಸಲೀಮ್. ಡಾ:ಜಾಫರ್ ಕಾರ್ಯಕ್ರಮವನ್ನು ನೆರವೇರಿಸಿದರು. ಈ ಕಾರ್ಯಕ್ರಮದ ಅಧ್ಯಕ್ಷರಾಗಿ ಪಟ್ಟಣದ ಮುಸ್ಲಿಂ ಮುಖಂಡರಾದ ನಾದಿರ್ ಪಾಷಾ ಮುಲ್ಲಾ, ಶ್ಯಾಮಿದ್ ನಾಡಗೌಡ ಅವರು ಭಾಗವಹಿಸಿದ್ದರು. ಸಂಘದ ಅಧ್ಯಕ್ಷರಾದ ಖುತುಬುದ್ದಿನ್ ಖಾಜಿ ಅವರು ಸ್ವಾಗತಿಸಿದರು. ಯಾಸೀನ್ ಸಾಬ ಅವರು ನಿರೂಪಿಸಿದರು. ಖಾಜಾಪಾಷಾ ಮುಲ್ಲಾ ಇವರು ವಂದಿಸಿದರು. ಈ ಸಂದರ್ಭದಲ್ಲಿ ಸಂಘದ ಸರ್ವ ಸದಸ್ಯರು, ಸುತ್ತಮುತ್ತಲಿನ ಮುಸ್ಲಿಂ ಸಮಾಜದ ಮುಖಂಡರು ಪಟ್ಟಣದ ಯುವ ನಾಯಕರು ಈ ಕಾರ್ಯಕ್ರಮದಲ್ಲಿ ಪಾಲುಗೊಂಡು ಈ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.
ವರದಿ – ಸಂಪಾದಕೀಯ