ಇವರು ನಮ್ಮವರು..!!!
ಇದ್ದಾಗ ಜೀವಂತ ಸುಟ್ಟು.. !
ಸತ್ತಾಗ ಹೋಳಿಗೆ ಇಟ್ಟು..!
ನೆನೆನೆನೆದು
ಅತ್ತು ಅತ್ತು… ಉಣ್ಣುವರು..!!
ಇದ್ದಾಗ ಕುಕ್ಕಿ..ಕುಕ್ಕಿ..!
ಸತ್ತಾಗ ಬಿಕ್ಕಿ..ಬಿಕ್ಕಿ..!
ಮೇಲೆ ಬಿದ್ದು..ಬಿದ್ದು.. ಅಳುವರು..!
ಇದ್ದಾಗ ಒದ್ದು..!
ಒಳಗೊಳಗೆ ಜಿದ್ದು..!
ಸತ್ತಾಗ ಮುದ್ದು ಮಾಡಿ
ಎದ್ದು ಬಿದ್ದು..
ಬರುವರು..!
ಇವರು ನಮ್ಮವರು..!!
ಇದ್ದಾಗ ಚುಚ್ಚಿ..ಚುಚ್ಚಿ..
ಸತ್ತಾಗ ಮೆಚ್ಚಿ ಮೆಚ್ಚಿ ..ಹೊಗಳಿ ಮಾತಾಡುವರು..!
ಇದ್ದಾಗ ಜೀವಂತ..!
ಸಾಯಲಂತ ದೇವರಿಗೆ ಹರಕೆ ಹೊರುವರು..!
ಇವರು ನಮ್ಮವರು..!!
ಇದ್ದಾಗ ಇಲ್ಲದಂತೆ ಮಾಡಿ..!
ಸತ್ತಾಗ ದೇವರಂತೆ ಪೂಜೆ ಮಾಡುವರು..!
ಜೀವ ಇದ್ದಾಗ.. ಜೀವನ ಮಾಡಲಿಕ್ಕೆ ಬಿಡದೆ..!
ಸತ್ತಾಗ ಸಮಾಧಿ ಮೇಲೆ ಹೂವನ್ನಿಟ್ಟು ಉಮ್ಮಳಿಸಿ..ಉಮ್ಮಳಿಸಿ ಅಳುವವರು..!!
ಇವರು ನಮ್ಮವರು..!!!
ನೀ..ನೆಚ್ಚಿ ಮೆಚ್ಚಿದವರು..!
ಹುಚ್ಚನಂತೆ ಮಾಡಿ
ಜೀವನ ಕಿತ್ತಿ ಕೊಳ್ಳುವವರು..!!
ಮೇಲೆ ಇದ್ದಾಗ..
ಹೋಗಳದೆ..!
ಕೆಳಗೆ ಬಿದ್ದಾಗ..ಕೈ ಹಿಡಿಯದೆ..!
ಮಣ್ಣ ಕೆಳಗೆ ಕಳುಹಿಸಲು ಕುಹಕ ತಂತ್ರ ಮಾಡುವವರು..!!
ಇವರು ನಮ್ಮವರು..!
ಇದ್ದಾಗ ಬಾಳಲು ಬದುಕಲು.. ಬಿಡದೆ..
ತಾವೊಂದೇ ಬದುಕಲು..ಶಕುನಿ ಆಟ ಆಡಿ ಜೀವ ತೆಗೆಯುವವರು..!!
ಮೂರು ದಿನದ ಬದುಕನ್ನು ..!
ಪಗಡೆ ಯಾಟದಂತೆ ಆಡಿಸುವವರು..!!
ಇದ್ದಾಗ ಸಾಯಿಸಿ..
ನಮ್ಮರಂತೆ ನಟಿಸಿ..!
ಮತ್ತೇ ಮತ್ತೇ ಬಣ್ಣ ಬಣ್ಣದ ಮುಖವಾಡದ ವೇಷ ಹಾಕುವರು..!!
ಜೀವ ಇದ್ದಾಗ ಬೆಲೆ ಕೊಡಿ..!
ಜಿದ್ದು.. ದ್ವೇಷ.. ಅಸೂಯೆ ಬಿಟ್ಟು ಬಿಡಿ..!!
ಬದುಕೇ ಮೂರುದಿನ..
ಸ್ಥಿರವಲ್ಲಈಜೀವನ…!!