ತ್ರಿವಿಧ ದಾಸೋಹಿ ಶ್ರೀ ಶಿವಕುಮಾರ ಸ್ವಾಮೀಜಿಯವರ 115 ನೇ  ಜನ್ಮೋತ್ಸವ🌹🌹🌹🌹

ತ್ರಿವಿಧ ದಾಸೋಹಿ ಶ್ರೀ ಶಿವಕುಮಾರ ಸ್ವಾಮೀಜಿಯವರ 115 ನೇ  ಜನ್ಮೋತ್ಸವ🌹🌹🌹🌹🌹

 ಭುವಿಯಲುದಿಸಿಹ ದೇವಮಾನವ

ಭುವಿಯೊಳು ನರಮಾನವನಾಗಿ ಜನಿಸಿದ ಶ್ರೀ

ನೋಡಿಲ್ಲಿ ನಡೆದಾಡುವ ದೇವಮಾನವ ಪದವಿಗೇರಿಹ ಪರಿ//ಪ//

ಕಾಯಕಯೋಗದಿ ಕಾಯವ ತೊಡಗಿಸಿ

ಅನ್ನದಾಸೋಹ ನಿರತ ಊರೂರ ಅಲೆದೆ

ಅನ್ನ ಅಕ್ಷರ ಜ್ಞಾನದಾಸೋಹ ಜೋಳಿಗೆಯೊಡ್ಡಿ

ತನು-ಮನವ ನಿತ್ಯ ದುಡಿಮೆಗೈದ ಯೋಗಿ//೧//

ಸತ್ಯಶುದ್ಧ ಕಾಯಕದಿ ಜಗದ ಕಣ್ಣ ತೆರೆಯಿಸಿ

ಮಾನವ ಹೃದಯ ಮಂದಿರ ಹಸನಾಗಿಸಿ

ಮಾನವತಾವಾದಿ ಮಾತೃಹೃದಯಿ ನೀನಾಗಿ

ದೈವತ್ವಕ್ಕೇರಿ ನಿಂತಿಹ ಯುಗಪುರುಷ ನೀನೇ//೨//

ಯುಗದ ಜಗದ ಅಜ್ಞಾನವಳಿಸಿ ಸುಜ್ಞಾನ ಸುಧೆಬೀರಿ

ಮಿತಪ್ರಸಾದಿ ಮಿತನಿದ್ರೆಗೈದ ಋಷಿಮುನಿ

ಧ್ಯಾನ ಮಾರ್ಗದಿ ನಡೆದ ಅವತಾರಪುರುಷ ನೀ

ಜನಮಾನಸದಿ ಭಕ್ತಿಭಾವ ಬೀಜ ಬಿತ್ತಿಹ ಕೃಷಿಕನು ನೀನೇ//೩//

ಸೂರ್ಯನುದಯಕೆ ಮುನ್ನವೇ ಬೆಳಗಾಯಿತು ನಿನಗೆ

ಬ್ರಾಹ್ಮೀ ಮೂಹೂರ್ತದಿ ಆರಾಧನೆಗೆ

ಅಷ್ಟವಿಧಾರ್ಚನೆಯಲಿ ಇಷ್ಟಲಿಂಗದ ಪೂಜೆಗೆ

ಮತ್ತೊಮ್ಮೆ ಜಗದಿ ಅವತರಿಸಿ ಬಾ ಎಂದು ಕರೆವೆ//೪//

ನಿನ್ನೀ ಜನನವೇ ಮಹಾಸ್ಪೋಟ ಭುವನಕೆ

ಸರಳ ಸಜ್ಜನಿಕೆಯ ಸಾಕಾರ ಮೂರ್ತಿಯೇ

ಹೊನ್ನಿನ ಹೊಗೆಯನು ಜಗದಗಲ ಹರಿಸಿದೆ

ನಿನ್ನೀ ಪರುಷಸ್ಪರ್ಶದಿ ಪಾವನವಾಯ್ತೀ ಧರೆ//೫//

 ಶ್ರೀಮತಿ ಗಿರಿಜಾ ಹಿರೇಮಠ

✍️ 89719 42723