ಕುಷ್ಟಗಿಯಲ್ಲಿ ಭಾರಿ ಮಳೆಗೆ ಪ್ರತ್ಯಕ್ಷವಾಯ್ತು ಕೊಳವೆ ಬಾವಿ ಸ್ಥಳೀಯರಲ್ಲಿ ಆತಂಕ..

ಕುಷ್ಟಗಿ ಪಟ್ಟಣದ 3 ನೇ ವಾರ್ಡಿನಲ್ಲಿ ತೆರೆದ ನಿರುಪಯುಕ್ತ ಕೊಳವೆಬಾವಿ ಪ್ರತ್ಯಕ್ಷ ಸ್ಥಳೀಯರನ್ನು ಅತಂಕಕ್ಕೀಡು ಮಾಡಿದೆ . ಪಟ್ಟಣದ ಚೌಡ್ನಿ ಲೇಔಟ್ ನಲ್ಲಿ ಸಂಗೋಳ್ಳಿ ರಾಯಣ್ಣ ಶಿಕ್ಷಣ ಸಂಸ್ಥೆಯ ಬಳಿ , ದುರಗಪ್ಪ ಅವರ ನಿವಾಸದ ಖಾಲಿ ನಿವೇಶನದಲ್ಲಿ ಏಕಾಏಕಿ ಕಂಡು ಬಂದಿರುವುದು ಅಚ್ಚರಿ ಹಾಗೂ ಆತಂಕ ಸೃಷ್ಟಿಸಿದೆ . ಸ್ಥಳೀಯ ನಿವಾಸಿ ದುರಗಪ್ಪ ಹಕ್ಕಲ್ ಅವರು ಹೇಳುವಂತೆ ನಮ್ಮ ಮನೆಯ ಪಕ್ಕದ ನಿವೇಶನದಲ್ಲಿ ಹಳೆಯ ಕೊಳವೆಬಾವಿಯ ಕುರುಹು ಇರಲಿಲ್ಲ . ಕಳೆದ ರಾತ್ರಿ ಸುರಿದ ಧಾರಾಕಾರಮಳೆಯ ನೀರು , ಹಳೆಯ ಕೊಳವೆಬಾವಿ ಹೊಕ್ಕಿದ್ದು ಇದರಿಂದ ಕೊಳವೆಬಾವಿ ನಿಜಸ್ಥಿತಿ ಬಯಲಿಗೆ ಬಂದಿದೆ . ಈ ವಿಷಯ ಗಮನಕ್ಕೆ ಬರುತ್ತಿದ್ದಂತೆ ಏಕಾಏಕಿ ದರ್ಶನವಾದ ತೆರೆದ ಕೊಳವೆಬಾವಿಯನ್ನು ತಾತ್ಕಾಲಿಕವಾಗಿ ಮುಚ್ಚಿದ್ದೇನೆ . ಪುರಸಭೆ ಗಮನಕ್ಕೆ ತಂದು ತಾಂತ್ರಿಕವಾಗಿ ಈ ತೆರೆದ ಕೊಳವೆ ಮುಚ್ಚಿಸಲಾಗುವುದು ಇಲ್ಲವಾದರೆ ಅಪಾಯ ಕಟ್ಟಿಟ್ಟ ಬುತ್ತಿಯಾಗಿದೆ ಎಂದರು.

ವರದಿ – ಸೋಮನಾಥ ಹೆಚ್ ಎಮ್